1980-ci illərdə qazanılan valyutanın miqdarına görə Azərbaycan Dövlət Üzümçülük Komitəsi neft sənayesini qabaqlayaraq SSRİ-də birinci yeri tuturdu. 1962-ci ildə Ağstafa rayonunda, Şomutəpə yaxınlığında (e.ə. 5-4-cü minilliyə aid tarixi abidə) aparılan arxeoloji qazıntılar zamanı üzüm toxumları aşkar edilmişdir. Xəzəryanı regionların, o cümlədən Azərbaycanın vəhşi florasını tədqiq edən arxeoloq Lorenzo Konstantin bu faktı təsdiqləyib. Üzərliktəpə, Kültəp, Qazaxdakı arxeoloji tapıntılar qədim üzüm və şərabçılıq mədəniyyətinə (e.ə. III minilliyin sonu - II minilliyin əvvəli) dəlalət edir.